De 84 Joer alen Automobilist ass e Méindeg den Owend géint 18 Auer am däitschen Ahrensburg mat sengem Auto op d’Schinne vun der Metro geroden a koum do net méi erof, sou d’lokal Police. Gutt 500 Meter hätt de Mann mat sengem Won op de Schinnen zeréckgeluecht. Wuelverstanen, ënnerierdesch. Am Zentrum vun Hamburg verleeft dës Streck vun der Metro haaptsächlech ënnert dem Buedem, baussent dem Zentrum nees driwwer.
De Maschinist hat séier reagéiert, wéi hien den Auto bis erbléckst hat. Hie konnt mat Zäite bremsen an eng Kollisioun verhënneren. De 7 Passagéier am Zuch ass näischt geschitt. D’Streck huet missen eng Zäit laang gespaart ginn, fir den Auto nees vun de Schinne erof ze kréien.
