Bei engem Meeting zu Savona an Italien ass d'Lëtzebuergerin e Mëttwoch iwwer 100 Meter eng Zäit vun 11 Sekonnen an 18 Honnertstel gelaf.

Domadder huet d'Patrizia Van der Weken hiren eegene Lëtzebuerger Rekord iwwer 100 Meter ëm 11 Honnertstel verbessert.

Virun zwou Wochen hat déi jonk Lëtzebuergerin bei hirer éischter Course an dëser Saison hiren ale Rekord vun 11,29 Sekonnen egaléiert.