HandballBierchem wënnt däitlech géint Péiteng

RTL Lëtzebuerg

D'Bierchemer Häre kënnen sech um 1. Spilldag an der Axa League doheem mat 32:17 géint den HB Péiteng duerchsetzen.

Update: 15.09.2019 19:32

E Samschdeg den Owend war et d’Suite vum 1. Spilldag am Lëtzebuerger Handball-Championnat bei den Hären a gläichzäiteg den Optakt vum Damme-Championnat.

Hären-Handball

HC Bierchem - HB Péiteng 32:17
CHEV Dikrech - HBC Schëffleng 34:18

D’Dikrecher Hären hu vun Ufank un de Schëfflenger gewisen, dass kee Kraut géint si gewuess ass. No 5 Minutte stoung et deemno schonn 3:0 fir d’Lokalekipp. Och wann déi Schëfflenger lues a lues besser an de Match fonnt hunn, si si de ganze Match engem Réckstand hannendrun gelaf. An der Paus stoung et 16:9 fir Dikrech.

An deenen zweeten 30 Minutten hunn d’Spectateuren een ähnlecht Bild gebuede kritt wéi an der 1 Halschent. Dikrech war dominant, huet de Ball gutt lafe gelooss an huet de Virsprong lues a lues ëmmer weider ausgebaut. No enger Dräivéirelsstonn stoung et 25:14. No 60 gespillte Minutte setze sech um Enn d’Dikrecher Hären mat 34:18 géint d’Schëfflenger duerch.

Red Boys - HB Dideleng 35:24

E Freiden den Owend hunn d’Red Boys hiren Optaktmatch vun der Saison mat 35:24 géint den HBD gewonnen.

D'Red Boys loossen dem HB Dideleng keng Chance

Fir de Kont vum 1. Spilldag an der Axa League hunn d’Red Boys Déifferdeng e Freideg den Owend mat 35:24 géint den HBD gewonnen.