Route du VinBob Bertemes a Jenny Gloden séchere sech de Championstitel

RTL Lëtzebuerg

E Sonndeg ass op der Musel fir 63. Kéier d'Route du Vin organiséiert ginn.

Update: 04.12.2025 08:22

Route du Vin 2025 (28.9.25)

The photos published on this site are subject to copyright and may not be copied, modified, or sold without the prior permission of the owner of the site in question.

De Jan Lukas Becker huet e Sonndeg déi 63. Editioun vun der Route du Vin gewonnen. Den däitsche Leefer huet fir de Semi-Marathon laanscht d’Musel an d’Wéngerten eng Stonn, véier Minutten a 14 Sekonne gebraucht.

Gewënner vun der Route du Vin

E Sonndeg sinn och déi nei Lëtzebuerger Championen iwwer déi 21,0975 Kilometer gesicht ginn. De Jonas Kinde (1:08:18) ass als 7. als 1. Lëtzebuerger iwwer d’Linn gelaf, ma krut de Championstitel awer net, well hien de Medico verpasst hat. Den Titel geet domadder un de Bob Bertemes (1:08:47), dat virum Jimmy Keiffer (1:09:53) an dem Christophe Kass (1:11:12).

De Bob Bertemes op der Route du Vin.

Bei den Damme gëtt d’Jenny Gloden (1:16:23) Championne, dat virum Anne Reiser (1:18:59) an dem Anny Wolter (1:20:02).

Déi belsch Athleetin Charlotte Pennemann (1:14:27) wënnt de Semi-Marathon vun den Dammen.

D’Jenny Gloden op der Route du Vin.

Mat 5.400 Leefer a Leeferinnen, verdeelt op 5 Courssen, gouf e Sonndeg de Participatiounsrekord vun der Route du Vin gebrach. Eleng schonn um Semi-Marathon waren 3.000 Leefer a Leeferinnen ageschriwwen.

Bob Bertemes a Jenny Gloden séchere sech op der Route du Vin de Championstitel

E Sonndeg ass op der Musel fir 63. Kéier d’Route du Vin organiséiert ginn.

LINK: Déi komplett Resultater fannt Dir hei.

Am meeschte gelies

E Mëttwochnomëtteg fir d'Lescht gesinn

Den 23 Joer alen Houssame Bounamcha gëtt vermësst

Eclat an der Gemeng Bech

Gemengerot stëmmt mat 5 zu 4 Votte géint Budget

Prozess géint Gynekolog

Expert léisst Zweiwel u Methode vum Dokter opkommen

Audio

CSV-Nationalrot