De Freiburg-Trainer raumt seng Plaz op der Trainerbänk, op där hien zanter dem 1. Januar 2012 souz, fräiwëlleg. Bannent deenen 12 Joer ass Freiburg wuel eemol ofgestigen, ma et huet een och e puermol europäesch gespillt. De Christian Streich war net nëmme bei den eegene Supporter, mee bei de Futtball-Fans allgemeng immens beléift.
Viru senger Zäit als Trainer vum Bundesligist war hien och schonns Co-Trainer a Jugendtrainer beim SC Freiburg. Am Ganze war hien 29 Joer beim Veräin engagéiert.
