Nodeems den F91 Diddeleng zejoert jo an enger Grupp mat Olympiakos Piräus, dem AC Mailand a Betis Sevilla stoung, duerft ee gespaant sinn, wéi eng Géigner dëst Joer op de Veräin aus der BGL-Ligue waarden.
Et soll ee kee spatze Mëndchen maachen, ma attraktiv gesäit awer anescht aus. Vum sportlechen hir, kéint et awer interessant ginn.
An der Gruppephase an der Europa League ass den F91 Diddeleng an de Grupp A geloust ginn, wou een et mam FC Sevilla aus Spuenien, Apoel Nikosia aus Zypern, an Qarabag aus dem Aserbaidschan ze di kritt.
No Betis zejoert ass et also dëst Joer den FC Sevilla. Mat 3 Victoiren an der Europa League hannerteneen an de Joren 2014, 15 a 16, hält de spueneschen Traditiounsclub och domat de Rekord. De Spiller Ricky Delgado ka virun allem de 24. Oktober kaum erwaarden, well da geet et fir den F91 a Richtung Sevilla an do wäert nees een onvergiesslechen Owend op de Veräin aus dem Grand-Duché waarden.
Géint Apoel hat den F91 sech virun zwee Joer an der Champions League Qualifikatioun knapp misse geschloe ginn. Géint Qarabag haten déi Diddelenger virun 3 Joer an der Kinneksklass no enger Defaite auswäerts, heiheem gläichgespillt.
De Manou Goergen Comitésmember bei der Ekipp aus der Forge du Sud, dee sech elo nees ëm d’Organisatioun fir säi Veräin këmmert, war e Freideg de Mëtteg zu Monaco bei der Auslousung dobäi. Och wann elo kee ganz groussen Numm am Grupp vum F91 ass, ass sportlech gesinn den Niveau awer ganz gutt, sou de Manou Goergen.
Am Grupp B ass Dynamo Kiew mam FLF-Nationalspiller Gerson Rodrigues. Do heeschen d’Géigner Kopenhagen, Malmö an Lugano.
D’Young Boys Bern mam Lëtzebuerger Nationalspiller Christopher Martins kréien et am Grupp G mam FC Porto, Feyernoord Rotterdam an de Glasgow Rangers ze dinn.
Iwwregens gouf den Eden Hazard vum FC Chelsea, elo Real Madrid, zum Europa-League-Spiller vun der Saison 2018 gewielt.
19. September: Apoel Nikosia - F91 Diddeleng 18.55 Auer
3. Oktober: F91 Diddeleng - Qarabag 21 Auer
24. Oktober: FC Sevilla - F91 Diddeleng 21 Auer
7. November: F91 Diddeleng - FC Sevilla 18.55 Auer
28. November: F91 Diddeleng - Apoel Nikosia 21 Auer
12. Dezember: Qarabag - F91 Diddeleng 18.55 Auer
Grupp A
FC Sevilla
Apoel Nikosia
Qarabag FK
F91 Diddeleng
Grupp B
FC Dynamo Kiew
FC Kopenhagen
Malmö FF
FC Lugano
Grupp C
FC Basel
FC Krasnodar
Getafe CF
Trabzonspor
Grupp D
Sporting Club de Portugal
PSV Eindhoven
Rosenborg Trondheim
LASK Linz
Grupp E
S.S. Lazio
Celtic Glasgow
Stade Rennes FC
CFR Cluj
Grupp F
Arsenal London
Eintracht Frankfurt
Standard Liège
Vitoria SC
Grupp G
FC Porto
BSC Young Boys Bern
Feyenoord Rotterdam
Glasgow Rangers
Grupp H
ZSKA Moskau
FC Ludogorets
Espanyol Barcelona
Ferencvaros TC
Grupp I
VFL Wolfsburg
KAA Gent
AS Saint-Etienne
FC Olexandriya
Grupp J
AS Roum
Borussia Mönchengladbach
Istanbul Basaksehir
Wolfsberg AC
Grupp K
Besiktas Istanbul
SC Braga
Wolverhampton Wanderers
Slovan Bratislava
Grupp L
Manchester United
FC Astana
Partizan Belgrad
AZ Alkmaar
D’Matcher vun der Gruppephas sinn ugesat fir folgend Datumer:
1. Spilldag: 19. September
2. Spilldag: 3. Oktober
3. Spilldag: 24. Oktober
4. Spilldag: 7. November
5. Spilldag: 28. November
6. Spilldag: 12. Dezember
D’Finall ass den 27. Mee zu Danzeg a Polen.
Dëppen 1: FC Sevilla, Arsenal, FC Porto, AS Roma, Manchester United, Dynamo Kiew, Besiktas, FC Basel, Sporting Lissabon, ZSKA Moskau, Wolfsburg, Lazio Rom
Dëppen 2: PSV Eindhoven, Krasnodar, Celtic, FC Kopenhagen, Braga, Gent, Mönchengladbach, Young Boys, Astana, Ludogorets, APOEL Nikosia, Frankfurt
Dëppen 3: Saint-Etienne, Agdam, Feyenoord, Getafe, Espanyol Barcelona, Malmö, Partizan Belgrad, Standard Lüttich, Wolverhampton, Stade Rennes, Rosenborg, Istanbul Basaksehir
Dëppen 4: Alkmaar, Vitoria Guimaraes, Trabzonspor, Olexandrija, F91 Diddeleng, LASK, WAC, Slovan Bratislava, Lugano, Glasgow Rangers, Cluj, Ferencvaros
