Nees zeréck no hirem Ermiddungsbroch um Schinnebeen ass d’Kapitänin Laura Miller. Allerdéngs ginn en Donneschdeg am Laf vum Dag nach déi lescht Tester gemaach, fir ze kucken, ob d’Spillerin vum Standard vu Léck spille kann. Fir deen éischte vun zwee Matcher géint d’Tierkei ass et awer nach ze fréi.
Donieft ka sech d’Julie Marques iwwert hire Retour an de Krees vun der Nationalekipp an d’Andreia Faria iwwert hir éischt Selektioun freeën.
En Donneschdeg start de Virverkaf fir den Heemmatch de 27. Oktober am Stade Emile Mayrisch um Escher Gaalgebierg. 4 Deeg drop spillt d’Ekipp vum Dan Santos dann auswäerts an der Tierkei zu Corum.
