E Mëttwoch den Owend war déi lescht Champions-League-Emissioun virun den decisive Lännermatcher vun der Lëtzebuerger Futtball-Nationalekipp, fir méiglecherweis op der Europameeschterschaft an Däitschland dobäi ze sinn. En vue vun de Matcher den 21. a 26. Mäerz huet de Jeff Kettenmeyer dem Paul Philipp proposéiert, datt wann d’FLF-Formatioun sech wierklech fir d’EM géif qualifizéieren, hien an der nächster Champions-League-Emissioun den 9. Abrëll, live säi “Schnurres”, deen hien elo iwwer 40 Joer huet, géif raséiert kréien. Den FLF-President an RTL-Expert huet dës Wett ugeholl a proposéiert, datt als Géigeleeschtung de Jeff Kettenmeyer misst am Outfit vun der Nationalekipp déi nächst Sendung moderéieren.
Lëtzebuerg spillt den nächsten Donneschdeg auswäerts a Georgien. Op RTL kënnt Dir de Match live suivéieren.
