D’Weltmeescherin Mikaela Shiffrin huet bei den Dammen der Konkurrenz och beim Slalom zu Lienz an Éisträich keng Chance gelooss. Si koum mat engem Virsprong vun 0,61 Sekonne virum Petra Vlohva aus der Slowakei am Zil un. Op d’Plaz 3 ass iwwerdeems d’Schwäizerin Michelle Gisin komm. Am Weltcup bleift d’Gewënnerin vum Sonndeg weider souverän op Plaz 1.
Bei den Häre gouf den Alexis Pinturault senger Favoritteroll bei der Kombinatioun am Schi-Alpin op der Stelvio zu Bormio gerecht. De Fransous konnt sech virum Aleksander Kilde aus Norwegen an dem Loic Meillard aus der Schwäiz behaapten. De Kilde féiert iwwerdeems de Weltcup un.
