En Donneschdeg ass de Schwëmmer Ralph Daleiden Ciuferri bei de Short Course World Championship Trials zu Westmont am US-Bundesstaat Illinois en neien nationale Rekord iwwer 50 Meter Crawl geschwommen. De Lëtzebuerger huet am klenge Baseng no 21 Sekonnen a 36 Honnertstel ugeschloen a war domadder 21 Honnertstel méi séier wéi den ale Rekord vum Julien Henx. Mat dësem Chrono ass hien deen 13. a senger Serie ginn a war 52 Honnertstel méi lues wéi den Olympiagewënner Caeleb Dressel.
