Dat mellt d’US-Zeitung “Deadline”. D’Filmer iwwer den John Lennon, Paul McCartney, George Harrison a Ringo Starr solle schonn 2027 an de Kinoen ulafen. Déi véier verschidde Filmer solle jeeweils aus der Perspektiv vun engem vun de Membere vun der legendärer Band erzielt ginn, a bis bei d’Trennung vun de “Fab Four” 1970 spillen.
Wéi “Deadline” weider schreift, soll de Sam Mendes och schonn de Seege vun den nach-liewende Membere McCartey a Starr kritt hunn, grad ewéi dee vun den Ierwe vum Lennon an Harrison.
“Ech fille mech geéiert, d’Geschicht vun der gréisster Rockband vun allen Zäiten z’erzielen, a freeë mech dorop, d’Iddi dovun, wat e Kinobesuch ausmécht, a Fro ze stellen”, huet de Mendes an engem Schreiwes erkläert, dat dem “Hollywood Reporter” virläit.
Wéi eng Schauspiller déi véier Beatles spille wäerten, steet aktuell nach net fest.
