An der Kathedral haten Les Amis du Chant op hiren traditionelle Christmas Carol-Concert invitéiert. Mat der renovéierter Kathedralsuergel an dem Luxembourg Brass Ensemble war de festleche Kader garantéiert.
Christmas Carol ass e Begrëff, an deem een all bekannte Chrëschtlidder erëmfënnt. Am Ufank waren domat Lidder gemengt, déi am Text e reliéisen Hannergrond haten. Haut sinn och weltlech Theme wéi de Wanter, de Schnéi, Santa Claus asw. mat dran.
