Am Kader vum Broschtkriibsmount Rosa Oktober an der Initiativ Movember, huet Oxford Properties seng Mataarbechter mobiliséiert, fir mat enger Solidaritéitsaktioun d’Fondation Cancer z’ënnerstëtzen.
An hirer Citatioun betount d’Entreprise den Teamgeescht vun dëser Initiativ: „Mir sinn immens houfreg, datt mir am Kader vum Broschtkriibsmount Rosa Oktober an der Initiativ Movember gemeinsam verschidde Challenge ugoe konnten, déi dat ganzt Team ronderëm Gesondheet a Solidaritéit mobiliséiert hunn. Dëse Don reflektéiert eist gemeinsaamt Engagement an eisen däitleche Wëllen, d’Fondation Cancer bei hirer wichteger Aarbecht z’ënnerstëtzen.“, seet de Mickaël Medda, Facilities Manager vun Oxford Properties fir Lëtzebuerg a Paräis.
Duerch dës Aktioun konnt eng Zomm vu 6.415 € gesammelt ginn, déi integral un d’Fondation Cancer gespent gouf.
D’Scheckiwwerreechung huet an de Raimlechkeete vun Oxford Properties stattfonnt, an der Präsenz vun der Margot Heirendt, Direktesch vun der Fondation Cancer. Si huet alle Bedeelegten häerzlech Merci gesot fir dësen Engagement.
Dës Solidaritéitsaktioune maachen et der Fondation Cancer méiglech, hir Missioune weider ze realiséieren: informéieren, hëllefen an d’Fuerschung ënnerstëtzen.
