Alles an allem sinn a Frankräich bis elo 32.684 Leit un de Suitte vun enger Coronavirus-Infektioun gestuerwen.
An Däitschland goufen e Samschdeg knapp 3.500 Nei-Infektioune registréiert. D’Zuel vun den Doudesaffer klëmmt ëm 11 Persounen op elo 9.615.
Déi lescht Deeg louch d’Zuel vun de positiven Tester ëmmer bei eppes méi wéi 4.000. Allerdéngs ass d’Zuel vun e Samschdeg ënner Ëmstänn net komplett, well de Weekend net all d’Autoritéiten hir Zuele weiderginn.
Wéinst den deels massiven Haussë bei den Nei-Infektioune mam Coronavirus, gi queesch uechter Europa erëm nei Restriktiounen agefouert.
