D'amerikanesch Wëssenschaftlerin an Nasa-Pionéierin Margaret Hamilton ass am Alter vun 90 Joer gestuerwen. Wéi de Massachusetts Institute of Technology (MIT), un deem d'Hamilton laang gefuerscht huet, e Mëttwoch amerikanescher Zäit matgedeelt huet, wier den Doudeszäitpunkt schonn den 30. September gewiescht.
D'Margaret Hamilton gëllt als eng Pionéierin an der Raumfaart an an der Informatik. Si gouf 1936 zu Paoli am US-Bundesstaat Indiana gebuer. No hirem Bachelor an der Mathematik um Earlham College ass si 1959 an de Massschusetts geplënnert. Hei huet si vun 1965 un un der Entwécklung vu Programmer fir déi éischt Moundlandung geschafft. Vun 1968 war si d'Cheffin vun der Fuerschungsekipp, déi d'Bord-Software fir d'Apollo-Missioune vun der Nasa geschriwwen huet.
Déi éischt Mënsche sinn 1969 am Kader vun der Missioun Apollo 11 um Mound gelant.
