Staatssekretär gëtt den Anthony Blinken. Hie wäert vum éischten Dag un asazbereet sinn, esou den Joe Biden. Virun allem d’Bündnis mat Europa gëtt säitens dem Blinken als extrem wichteg ugesinn.
Secretary of Homeland Security wäert den Alejandro Mayorkas ginn. Hien kritt dës Positioun als Persoun déi als Migrant vu Kuba an d’USA komm ass.
D’Avril Haines gëtt dann déi éischte Fra, déi de Poste vun der Directrice vum US-Geheimdéngscht iwwerhëlt. Tëscht 2007-2008 huet si enk mam Joe Biden zesummegeschafft.
D’Linda Thomas-Greenfield wäert dann d’US-Ambassadrice bei de Vereente Natioune ginn. Ronn 35 Joer laang huet si elo schonn uechtert Welt als US-Diplomatin geschafft.
Den Ex-Ausseminister John Kerry gëtt Klima-Beoptragten an der Biden-Administratioun. Hie wier houfreg, zesumme mam Biden, de Koalitiounspartner an de jonke Leit vun der Klimaschutz-Beweegung zesummenzeschaffen.
