Virum Optakt vum G7-Sommet Bayern hunn eng Partie Net-Regierungsorganisatioune Fuerderungen un déi grouss westlech Industriestaaten adresséiert. D’Ëmweltorganisatioun Greenpeace zum Beispill huet d’G7-Staaten opgefuerdert, de globale Kampf géint de Klimawandel an den Zentrum vun de Berodungen ze stellen. D’G7 investéieren am Schnëtt genee sou vill Suen a klimaschiedlech Brennstoffer wéi Kuel, Pëtrol a Gas, wéi an den Ausbau vun erneierbaren Energien, kritiséiert Greenpeace a berifft sech op eng Etüd vun der New Economics Foundatioun (NEF).
Fir d'1,5-Grad-Zil z’erreechen, missten all Mëttelen an den Ausbau vun erneierbaren Energië fléissen an net weiderhi fossil Brennstoffer gefërdert ginn, ënnersträicht Greenpeace. Zu den erneierbaren Energien zielen zum Beispill Sonnen- a Wandenergie, wéi och Waasserkraaft.
E Samschdeg sinn am Kader vum G7-Sommet Protester geplangt. Et gi sech iwwer 20.000 Demonstranten an der bayrescher Haaptstad erwaart, an der Mëttesstonn e Samschdeg ware schonn eng 3.500 Leit op der Plaz.
