Den US-Militär huet am Golf vun Oman e Cargo-Schëff gestoppt. D'Schëff soll versicht hunn, eng Séiblockad géint den Iran ze duerchbriechen. Wéi den US-Zentralkommando Centcom matdeelt, hätt doropshin en amerikanesche Kampfjet den hënneschten Deel vun der "Ocean Molica" mat Präzisiounsmunitioun getraff an doduerch de Motor vum Schëff ausser Gefecht gesat.
D'US-Amerikaner hunn all d'Schëffer am Golf vun Oman an an den Zoufaarten zur Strooss vun Hormus opgefuerdert, d'Warnungen am Zesummenhang mat der Séiblockad ze respektéieren. D’Attacken op Tanker haten nämlech d'lescht Woch den héchste Stand zanter dem Ufank vum Krich erreecht.
