No 5 Joer um Poste vum Tageblatt-Chefredakter gëtt den Dhiraj Sabharwal dës Tâche of a wëll sech op seng journalistesch Aarbecht konzentréieren.

Och d'Charge als Editpress-Direkter Adjoint gëtt de Journalist of.

De Journalist confirméiert RTL géintiwwer, datt hien d'Leedung vun der Zeitungsredaktioun un den Armand Back ofginn huet, deen dëse Posten am Interim zesumme mat engem Grupp vu 5 anere Journalisten iwwerhëlt.

Assistéiert gëtt dee Grupp vum Eric Hamus, deen als Manager vun der Redaktioun nominéiert gouf, en neie Posten an der Editpress-Redaktioun.