Géint 20 Auer war zu Bartreng enger Patrull e Gefier opgefall, dat iwwert eng Verkéiersinsel gefuer war. Kuerz drop gouf den Auto op der N34 gestoppt. Den Drogentest vun der Automobilistin war positiv an et gouf e Protokoll geschriwwen.
Bësse méi spéit, géint 21.30 Auer, war am Beräich vun der Stater Gare e Chauffer duerch seng geféierlech Fuerweis opgefall. Nodeems en e puermol opgefuerdert gi war, stoen ze bleiwen, konnt den Automobilist an der Rue Joseph Junck gestoppt ginn. Den Alkoholstest war positiv, an e provisorescht Fuerverbuet gouf doropshin ausgestallt.
Am Laf vu de fréie Moiesstonne krut d’Stater Police dann nach en Iwwerfall an der Rue d’Epernay gemellt. Éischten Informatiounen no war e Mann vun zwee Täter attackéiert ginn a krut vun hinnen den Handy geklaut. D’Ermëttlunge goufen ageleet.
