Um 13 Auer waren op der A1 tëschen dem Tunnel Cents an dem Kierchbierg zwee Autoen aneneegerannt, woubäi zwou Persoune blesséiert goufen. D’Stater CGDIS-Ekippen waren am Asaz.
Eng hallef Stonn méi spéit dann en Accident an der Areler Strooss zu Stroossen: Eng Persoun ass hei vun engem Auto ugestouss a blesséiert ginn, d’Secouriste vu Mamer a Bartreng hu sech ëm se gekëmmert.
Gutt 10 Minutte méi spéit hat et dann um Boulevard Pierre Werner an der Stad gerabbelt: En Auto an e Bus sinn net laanschtenee komm, dobäi gouf awer kee blesséiert. D’Stater CGDIS-Ekippen an déi vum Findel waren op der Plaz.
