Wien nogekuckt huet, konnt nach gesinn, wéi op eemol Opreegung am Reuniounssall war. D’Deputéiert waren informéiert ginn, dass d’DP-Deputéiert Barbara Agostino, Presidentin vun der Kommissioun, baussent dem Sall e Malaise gemaach hat.
Aner Deputéierter waren opgesprongen an a Richtung ënneschte Bildrand gelaf.
RTL-Reporter, déi fir d’Finanzkommissioun an der Chamber waren, hunn d’Arrivée vun der Ambulanz an dem SAMU gesinn.
Op Nofro hi krute mir vun der 43 Joer aler Gemengeconseillère vu Péiteng Barbara Agostino confirméiert, dass si fir eng Kontroll an d’Spidol komm war. Hir géif et elo gutt goen. Si wär awer iwwerschafft. Deemno hätt si vun den Dokteren un d’Häerz geluecht kritt, temporär méi lues ze maachen. Si géif deem Rot nokommen an hir politesch Aktivitéiten elo zwou Woche roue loossen.
D’Politikerin ass zanter 2022 och Foraine.
