E Sonndeg hunn an der Stad ronn 80 Leit friddlech manifestéiert an hir Solidaritéit mam kambodschanesche Vollek ausgedréckt. Thailand gëtt virgehäit, mat militärescher Iwwerleeënheet Kambodscha ugegraff, Vëlkerrecht violéiert an Zivilisten ëmbruecht ze hunn. E fragille Waffestëllstand an eng eventuell Aussiicht op d’Fräiloossung vu Krichsgefaangene géif nach laang kee Fridde bedeiten, bekloen d’Manifestanten.
“Cambodia needs Peace!”, sou hiren Opruff, mam Appell un d’UNO, d’EU an d’Lëtzebuerger Politik, Drock op Thailand auszeüben, d’Wafferou ze kontrolléieren a sech fir eng dauerhaft Léisung anzesetzen.
