Déi lescht Deeg krut de Parquet, iwwert den Educatiounsministère, aus enger Crèche zu Péiteng eng Rei Virfäll gemellt. Et geet ëm méiglech coups et blessures volontaires géint Kanner ënner 14 Joer, also Gewalt géint Kanner.
En Untersuchungsriichter huet doropshin eng Perquisitioun an eng Saisie an de Gebailechkeete vun der Crèche an hirem Siège social ordonéiert.
D’Crèche gouf e Mëttwoch och zougemaach, eng Enquête ass am gaangen.
