De Projet wier iwwerstierzt an ouni richtege Sozialdialog duerchgezu ginn an e géif d’Pensiounskeess virun eng Rei praktesch Problemer bei der Ëmsetzung stellen. Besonnesch bei der progressiver Pensioun. An och déi progressiv Verlängerung vun de Cotisatiounsjoren ëm 8 Méint bis 2030 wier ze vague. D’Ministesch Martine Deprez awer géif d’Problemer an d’Suergen vun der Verwaltung net eescht huelen an d’Problemer léiwer ignoréieren. D’Gewerkschaftsfront hätt awer am léiftsen den Text géif op deene Punkten d’urgence nogebessert.
Als Rappel de Front syndical hat et mat senger grousser Manifestatioun am Juni an der Stad fäerdeg bruecht, datt d’CSV-DP-Regierung vun hiren initiale Pensiounsreform ofgeréckt ass an déi initial Verlängerung vun der Cotisatiounsdauer – sou wéi de Premier Luc Frieden se bei senger Ried zur Lag vun der Natioun ausgerechent hat – däitlech gekierzt huet.
