Wéi et vun der Police heescht, soll een an an ëm Nidderkuer keng Leit mam Auto mathuelen. Och wann ee verdächtegt Persoune gesäit, soll een den 113 uruffen. D’Police ass um Donneschdeg den Owend nämlech an der Uertschaft an der Gemeng Déifferdeng op der Sich no engem oder méi presuméierten Täter no engem Iwwerfall.
Vu Persounen, déi an der Ëmgéigend wunnen, krute mer eragemellt, datt och den Helikopter vun der Police am Asaz wier. Déi Informatioun konnt eis de Pressebüro vun der Police net op déi éischt Nofro confirméieren. Kuerz drop konnte si awer bestätegen, datt den Helikopter vun der Police zu Nidderkuer am Asaz wier. Kuerz virun 23 Auer huet sech den Helikopter nees a Richtung Findel gemaach.
