En Automobilist, deen a Richtung Däitschland ënnerwee war, hat d’Kontroll iwwer säi Gefier verluer an ass an d’Leitplanke gerannt. Well d’Siicht-Verhältnisser schlecht waren, ass e weidert Gefier an den accidentéierte Won geknuppt. De Chauffer vum éischten Auto gouf dobäi schwéier blesséiert.
Wéinst dësem Accident sinn direkt e puer aner Autoen hannendrun och anenee gerannt. Do iwwerall blouf et awer beim Materialschued.
