Wéi de CGDIS a sengem Bulletin vun e Samschdeg de Moie mellt, ass géint 3.23 en Auto an der Rue du Commerce zu Keel accidentéiert. Eng Persoun gouf dobäi blesséiert a vun de Rettungsekippe vu Keel versuergt.
Kuerz no 5 Auer huet et iwwerdeem am Tunnel Albert Bousser tëscht zwee Autoe gerabbelt. Och hei gouf et ee Blesséierten. Op der Plaz waren d’Ambulancieren an d’Pompjeeën aus der Stad.
E weideren Asaz gouf et fir d’Rettungdéngschter aus der Stad géint 5.40 Auer um Boulevard de Kockelscheuer, wéi e weideren Auto accidentéiert ass. Eng Persoun gouf beim Accident verwonnt.
Donieft gouf eng Persoun blesséiert, wéi géint 10.48 Auer tëscht der Schleef an Nidderwampech e Bus an de Gruef geroden ass. Am Asaz waren d’Ambulanciere vu Wolz, souwéi d’Pompjeeë vu Wanseler a vu Wëntger.
