Géint 16 Auer huet an der Rue de Bridel zu Bäreldeng en Auto gebrannt. Dat mellt de CGDIS. D’Pompjeeë vu Steesel-Walfer waren op der Plaz. Ob eng Persoun verwonnt gouf, geet aus dem 112-Bulletin net ervir.
Gebrannt hat et awer och géint 12.50 Auer zu Heeschpelt an der Haaptstrooss. Do hat et an enger Kiche geflaamt. Am Asaz waren d’Pompjeeë vu Réiden, Rammerech, Gréiwels souwéi d’Secouriste vu Rammerech. Kengem ass hei eppes geschitt. Zu Veianen hat donieft nach eng Schminni gebrannt.
