No enger Sichaktioun konnte béid Männer gestallt ginn, déi sech deen Ament tëscht geparkten Autoe verstoppt haten. Versicht ze verstoppen hate si och en Hummer, e Briecheisen an eng Kagull. Dëst huet d’Police awer net wäit ewech entdeckt a bei der Fouille goufen dunn och nach kleng Quantitéite Kokain an Amphetaminne séchergestallt. D’Personalië goufen opgeholl an et gouf e Protokoll souwéi eng Plainte, wéi et weider vun der Police an hirem Bulletin heescht.
E Méindeg am Nomëtteg waren Onbekannter an en Eefamilljenhaus zu Garnech agebrach. Iwwer eng Terrassendier sinn d’Brigangen an d’Haus komm an hunn d’Raim op Wäertsaachen duerchsicht. An der Gemeng Parc-Housen waren déi Onéierlech duerch eng Fënster am Wantergaart an en Haus erageklomm. Och do goufen d’Zëmmeren duerchwullt a Boergeld geklaut.
