Wéi d’Compagnie des Alpes en Dënschdeg de Moien annoncéiert huet, gëtt den däitsche Fräizäitpark Belantis, an der Géigend vu Leipzig, vun Abrëll 2026 un an en Asterix-Park ëmgewandelt. An enger éischter Phas soll eng “éischt Zon, déi dem Idefix dediéiert ass, am Fréijoer 2026 ageweit ginn”.
D’Transformatioun vum neien Asterix-Park, den zweeten nieft deem zu Paräis an den éischten ausserhalb vu Frankräich, soll graduell gemaach ginn an Enn 2030 oder 2031 ganz ofgeschloss sinn.
