An der zweeter Episod vun eiser Serie “Hashtag History” kucke mer zeréck bis an d’4. Joerhonnert. Iwwert eng Rei Erzielungen a Legende féiert dem Niklos seng Spuer eis iwwert Esch an Éinen bis am di haiteg Tierkei. Dobäi stellt sech eraus, datt de Kleesche selwer net ëmmer ganz brav war an datt hien net nëmmen de Schutzpatroun vun de Kanner ass.
De Kleeserchersdag ass fest an der Traditioun vu Lëtzebuerg a vun der Groussregioun verankert. Mee wéi ass dëse Brauch entstanen, wou kënnt de Personnage vum hellegen Niklos iwwerhaapt hier a wat mécht en haut? Iwwert eng Hellewull Erzielungen a Legende féiert dem Kleeschen seng Geschicht eis zeréck bis an d’4. Joerhonnert.
