Et goung drëm, déi ronn 25 Milliounen Euro ze verdeelen. Déi kommen elo 77 verschiddenen Organisatiounen zegutt, déi an de Beräicher Klima an Ëmwelt, Gesondheet, Soziales, grad ewéi Integratioun a Bildung aktiv sinn.
D’Marlene Engelhorn ass Famill mam Grënner vum däitsche Chemie-Konzern BASF, dem Friedrich Engelhorn. Déi 32 Joer jonk Madamm Engelhorn ass Matbegrënnerin vun der Initiativ “Tax me now”, déi sech fir e méi héicht Besteiere vu räiche Leit asetzt.
Am Januar hat si ugekënnegt, 90% vun hirem Ierwen ze verschenken. E Grupp vu 50 Leit am Alter tëscht 17 a 85 Joer huet bei 6 Rendez-vousen tëscht Mäerz a Juni zu Salzburg decidéiert, wéi d’Verméige soll opgedeelt ginn.
