Déi aacht Partië vum siwente Spilldag, déi fir e Mëttwoch den Owend programméiert waren, sinn op de Mëttwoch 1. Oktober rapportéiert ginn.
Donieft huet d’FLF an hirem Communiqué matgedeelt, dass och de Match aus der 1. Divisioun 1. Bezierk tëscht Schieren a Mäerzeg op den 1. Oktober verluecht ginn ass.
Weider Matcher, déi wéinst de Wiederkonditiounen net gespillt kënne ginn, sinn déi véier Partië vun der Coupe FLF, déi och fir e Mëttwoch Owend ugesat waren. Och si sinn elo fir den 1. Oktober geplangt.
