RTL - Dëschtennis-Championnat: Hueschtert-Foulscht séchert sech déi éischt Plaz

E Samschdeg war am nationalen Dëschtennis-Championnat de leschte Spilldag vum Playoff.

Hueschtert-Foulscht huet sech auswäerts kloer mat 6:1 géint Esch behaapt. Domadder steet de Champion um Enn vum Playoff op der 1. Plaz an der Tabell an huet sech d'Heemrecht am Fall vun enger méiglecher Finall geséchert. Den Ticket fir d'Halleffinallen hat ee sech schonn um leschte Weekend geséchert. Dat gëllt och fir Berbuerg, dat um leschte Spilldag Recken mat 6:2 geklappt huet.

Donieft gouf et nach e 5:5-Remis tëscht Lénger an dem Houwald.

Dëschtennis-Championnat: Lénger - Houwald (8.2.25)

Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.

Am Championnat geet et elo viru mat de Véierelsfinallen. Recken, Esch, Lénger an den Houwald mussen hei untrieden a spillen déi lescht zwee Tickete fir d'Halleffinallen ënnert sech aus.

D'Resultater am Iwwerbléck