E Samschdeg ass d’Patrizia Van der Weken een neie Lëtzebuerger Rekord iwwer 200 Meter gelaf. Bei engem Meeting an der Schwäiz ass de Chrono fir d’Lëtzebuergerin no 23 Sekonnen a 94 Honnertstel stoe bliwwen. Domadder ass si 2 Honnertstel ënner dem ale Rekord vum Mirjam Hess aus dem Joer 2004 bliwwen.
D’Zäit vum Patrizia Van der Weken bedeit och eng nei national meilleure Performance fir Espoiren.
