D’Petra Vlhova huet e Freideg am Schi Alpin de Slalom zu Are a Schweden gewonnen. D’Slowakin huet sech no zwee Duerchgäng mat engem Virsprong vun 20 Honnertstel virun der Weltmeeschterin Katharina Liensberger aus Éisträich behaapt. Op déi drëtte Plaz ass d’US-Amerikanerin Mikaela Shiffrin gefuer. Si hat e Réckstand vu 64 Honnertstel.
Duerch hir sechste Victoire an dëser Saison huet d’Vlhova net nëmmen hire Virsprong am Slalom-Weltcup ausgebaut, ma och d’Féierung am Gesamtweltcup iwwerholl.
