D’Rout Léiwinne konnten déi éischt Halbzeit relativ no dru bleiwen. D’Leeschtung war och déi éischt 30 Minutten zu Diddeleng an der Rei.
Nom Säitewiessel konnt d’FLH-Selektioun nach ronn 10 Minutte mathalen, dono hunn d’Spillerinne vum Nationaltrainer Adrian Stot ganz vill Problemer gehat, laanscht déi italienesch Defense ze kommen.
E Samschdeg um 16 Auer spillen d’Lëtzebuergerinnen dann nach emol géint Italien. De Match gëtt nees am Centre Sportif René Hartmann zu Diddeleng gespillt.
