Do wäerte vill Leit um Rendez-vous sinn. D’Turnfederatioun rechent mat Minimum 2.500 Spectateuren. Eleng schonn aus Dänemark wäerte 500 Supporter fir Stëmmung suergen.
Zanter dem Ufank vun der Vakanz trainéiert d’Nationalekipp 3 Mol an der Woch, bis zu 6 Stonnen am Dag. Do kënnt nach e Stage vun enger Woch a Portugal derbäi. Iwwert dee Wee huet de Grupp sech technesch verbessert an ass zesummegewuess.
An dëser origineller a spektakulärer Kompetitioun ginn d’Eenzel-Bewäertungen zesummegezielt, fir d’Ekippeklassement opzestellen. Geturnt gétt um Buedem, dem Mini-Trampolin an um sougenannten Tumbling. Et muss ëmmer een aus der Grupp a Beweegung sinn, wat méi séier hannerteneen, wat besser.
E Mëttwoch um 19 Auer wäert eist Juniorinnen-Ekipp probéieren, ënnert déi 8 Éischt ze kommen a sech esou fir d’Finall ze qualifizéieren. Ouni Zweiwel en interessante sportleche Rendez-vous.
Thuy Lena
Brenner Kiara Lisa
Di Millo Aimée
Freitas Shanice
Marochi Paloma
Neves Roupar Sara
Njoya Maura
Pinto Carvalho Leticia
Read Emma
Riel Allison
Scheer Ella
Bistrup Sandhoj Frida
