En Donneschdeg huet den Emile Vanolst op de Youth Olympic Games d'Sëlwermedail am Triathlon gewonnen. De Lëtzebuerger war no 750 Meter am Waasser, 20 Kilometer um Vëlo a 5 Kilometer Lafstreck deen Zweeten zu Dakar. No der Epreuve war de Vanolst souguer liicht enttäuscht, dass hien net Gold gewonnen huet. Hie koum 10 Sekonnen hannert dem portugisesche Gewënner Artur Gaspar an d'Zil.
De 17 Joer alen Triathlet hat sech an der Sauna op d'Hëtzt am Senegal preparéiert. Scho virun e puer Wochen op der Jugend-Europameeschterschaft a Spuenien hat sech de Vanolst dem Gaspar musse geschloe ginn.
