D'Shortlists sinn eraus30 Museker fir d'Lëtzebuerger Musekspräisser 2024 nominéiert

E Méindeg koumen d’Shortlists eraus, 30 Museker a Bands goufen nominéiert: dëst sinn zum Beispill ënner anerem an der Kategorie vun der Fräizäitmusek d’Bouneweger Musek, Hunneg-Strëpp an och Koll an Aktioun.

An der Kategorie vun de Nowuesstalenter sinn ënner anerem den DJ Nosi, d’Veda Bartringer, den Daniel Migliosi an d’Naomi Ayé, dat een nach vum Luxembourg Song Contest kennt, nominéiert. Soss nach op de Shortlists ze fannen, sinn den CHAiLD, C’est Karma, Lucilin, de Pol Belardi, den Tunn Tonnar, Beast an de Charel Stolz.

Nieft dëse sechs Musekspräisser gëtt och den Nationale Musekspräis un en Artist iwwerreecht, dee fir seng Karriär a säin Asaz fir d’Musekszen ausgezeechent gëtt - e Präis, dee mat 10.000 Euro dotéiert ass.

Am Jury fir d’Musekspräisser setze fënnef Experte mat dem Vanessa Cum, Marie Trussart, Thomas Faber, Georges Urwald a Pit Brosius.

D’Remise vun de Präisser ass wéi gesot donneschdes, den 19. Dezember an der Philharmonie. Den Entrée ass gratis, mee eng Umeldung iwwer de Site vun der Philharmonie ass dofir néideg.

Den Detail fënnt een HEI.

All d’Nominéierungen

Kategorie: Nowuesstalent

• Daniel Migliosi
• Ninon
• DJ Nosi
• Naomi Aye
• Veda Bartringer

Kategorie: Op der Bün - musiques amplifiées

• Francis of Delirium
• C’est Karma
• Chaild
• Them Lights
• Chris Maas

Kategorie: Op der Bün - musiques classique

• Cathy Krier
• Lucilin
• Francesco Tristano
• Kammerata
• Pascal Schumacher

Kategorie: Op der Bün - musiques jazz/blues/world

• Claire Parsons
• Pol Belardi
• Daniel Migliosi
• Jérôme Klein / KLEIN
• Kid Colling Cartel

Kategorie: Hannert der Bün - Prix arrière-scène

Charles Stolz
Tun Tonnar
Nina Schaeffer
Tom Gatti
Beast

Kategorie: Fräizäitmusek - Prix d’engagement exceptionnel non-professionnel

• Hunneg-Strëpp
• Koll an Aktioun
• Orchestre national des jeunes
• Bouneweger Musek
• Orchestre de la Place d’Europe