Wéi seng Fra Jodi Lister Nader e Méindeg dem Sender MFTV matgedeelt huet, wier de Schauspiller bei sech Doheem un de Suitte vu senger Kriibserkrankung verscheet.
Bekannt gouf de Michael Nader duerch seng Roll als Dex Dexter, Frënd vum Alexis Carrington an der Serie “Denver-Clan”. Hien huet an iwwer 150 Follege matgespillt. Donieft stoung hien an der US-Soap “All my Children” virun der Kamera. Ausserdeem hat hien nach e puer Gaaschtrolle bei “The Flash”, “Law & Order: Special Victims Unit” an “Cold Case”.
De Michael Nader hannerléisst eng Fra an eng Duechter.
