D’Land am Schiet ass den éischte Long-métrage vum Regisseur Lukas Grevis. D’Geschicht, oder éischter d’Thematik, spriech Radikaliséierung, déi duerchleeft d’Wierk vum lëtzebuergeschem Filmschaffende zanter sengen Ufäng.
Gedréint gouf de Film zu Wäicherdang bei Clierf - méi Lëtzebuergesch kéint et bal net sinn. E Leitmotiv, dat sech bis an de Cast duerchzitt. Sou erkennt ee sëlleg bekannte Gesichter aus der lokaler Kulturzeen. Mat dobäi ass zum Beispill d’Jil Devresse, dat een ënnert anerem aus der Serie Capitani kennt.
