De Salvador Plasencia, en Dokter, huet de Schauspiller viru sengem Doud mat Ketamin versuergt, wat illegal ass an den USA. Hie gouf e Mëttwoch vun engem US-Geriicht zu enger Prisongsstrof vun zwee an d’halleft Joer verurteelt. Dat mellen ënnert anerem d’Los Angeles Times an de Senger CBS. Dësen Dokter ass nëmmen eng vu fënnef Persounen, déi sech am Zesummenhang mam Doud vum Friends-Schauspiller viru Geriicht veräntwerte mussen.
De Matthew Perry hat jorelaang mat massiven Drogeproblemer ze kämpfen. Ufanks war him d’Medikament verschriwwe ginn, ma de Schauspiller hat nëmme Woche viru sengem Doud am Oktober 2023 ugefaangen, sech d’Drog och aus anere Quellen ze beschafen. Dem verurteelten Dokter, dee seng Lizenz op Grond vun de Faite verluer huet, gëtt zwar net virgehäit, dem Perry déi déidlech Dosis verschriwwen ze hunn, ma hie soll dëse viru sengem Doud ëmmer nees illegal mat Ketamin versuergt hunn.
