De VR-Pavillon ass scho laang keng Kuriositéit méi, mä villméi e feste Bestanddeel vum LuxFilmFest. Kee Wonner, well de Secteur ronderëm dës Technologie huet sech iwwert d’Joren zu Lëtzebuerg staark etabléiert, genee sou ewéi am Gaming, also bei Videospiller.
E Secteur, deen een éischter mat Amerika, China, Japan oder Südkorea associéiert. Ma och zu Lëtzebuerg gi Spiller Entwéckelt an dat souguer zimmlech erfollegräich, wéi zum Beispill Donut Dodo. E Spill am Retro-Look, dat esouguer an Arcade-Halen a Japan representéiert ass.
Un Talent feelt et also net, fir de Fred Neuen, Curateur vun deem Deel vun der Ausstellung, dierft awer nach un der Ënnerstëtzung geschafft ginn.
