Duck Race 202316.000 Plastiksinten an der Uelzecht

RTL Lëtzebuerg

16.000 Inten sinn um 15 Auer e Samschdeg de Mëtteg an der Uelzecht beim Depart vun der 22. Editioun vum "Duck Race" lassgeschwommen.

Update: 29.04.2023 19:13

Den "Duck Race 2023"

E Samschdeg war am Gronn an der Stad nees d’Intecourse fir de gudden Zweck.

Am Haff vun der Abtei Neimënster a ronderëm de Floss hu ganz vill Leit dem Spektakel vun der Intecourse nogekuckt. Eng gutt hallef Stonn huet de Spektakel gedauert. 5 Euro huet et kascht, fir eng Int an d’Waasser ze loossen.

Duck Race 2023 am Gronn (29.04.23)

The photos published on this site are subject to copyright and may not be copied, modified, or sold without the prior permission of the owner of the site in question.

Am Joer 2001 gouf déi éischten Editioun vum “Duck Race” organiséiert. Table Ronde ass fir d’Organisatioun responsabel. D’Suen, déi beim Inteverkaf erakommen, ginn all Joers fir e gudden Zweck gespent. 3 Organisatioune sinn et dëst Joer. All eenzel kritt tëscht 20.000 a 25.000 Euro un Donen.

Déi nächst Editioun vum “Duck Race” wäert dann den 20. Abrëll 2024 sinn.