Nächsten Dënschdeg kënnt dem brittesche Prënz Harry seng Autobiografie eraus. Am Virfeld huet hien dem Tëleessender ITV een Interview ginn. Hie wéilt säi Papp a säi Brudder zeréck hunn, ma déi aner Säit wéilt dat net. D’Sunday Times zitéiert iwwerdeems eng Quell, déi d’Buch scho gelies huet an där no de Prënz William a seng Fra Kate doran net gutt ewechkommen. De Kinnek Charles III kéim par conter besser ewech wéi erwaart. Den Harry a seng Fra Meghan hu sech am Joer 2020 vun hire royale Flichten zeréckgezunn a liewe mat hiren zwee Kanner a Kalifornien.
