Inspiréiert vum franséischen Telethon wollt een och beim belsche Sender RTL eppes géint déi Krankheet maachen, wou souguer nach hautdesdaags 1 vun 4 Persounen dru stierft. An och hei zu Lëtzebuerg wollt ee sech där Saach 2002 uschléissen.
D’Diagnos Kriibs kréie pro Joer hei zu Lëtzebuerg eng ronn 3.000 Kanner an Erwuessener. A fir déi gëllt et sech anzesetzen. Duerch d’Ënnerstëtzung vum Télévie kënnen eng ganz Rëtsch Projeten an der Kriibsfuerschung weiderbruecht ginn a soumat kënnen ëmmer méi Kriibskranker iwwerliewen a geheelt ginn.
D’Fabienne Zwally kuckt zréck op déi beschte Momenter vun 20 Joer Télévie hei zu Lëtzebuerg. Nach e puer weider Informatiounen:
2004 gouf fir déi éischte Kéier d’Grenz vun enger Millioun Euro geknackt, 2019 sinn dunn iwwer 2 Milliounen zesummekomm an 2020 gouf et en neie Rekord mat 2.060.211 Euro.
Am Ganze sinn an deenen 19 Joer Télévie 25 Milliounen Euro fir d’Lëtzebuerger Kriibsfuerschung zesummekomm, mat den 2 Millioune vun dëser Editioun klamme mer esouguer op 27 Milliounen Euro.
Télévie Portrait mam Milena
Télévie Portrait mam Yannick
Télévie Portrait mam Aurore
