Am Ganzen haten 150 Jonker sech fir de Casting gemellt. Déi 26 Bescht vun hinnen hunn an de Kulisse vun den alen Héichiewen dräi Challengë musse meeschteren. A just déi 12 Bescht hu sech fir d’Show qualifizéiert. Déi wäert ee vum Januar u kënne kucken.
Hei op RTL, RTL Play, science.lu an och op de soziale Medien.
Am Ganze wäerten et 13 Episode ginn. An um Enn kritt de Gewënner e Präisgeld vun 10.000 Euro. Take Off ass eng Initiativ vum Fonds National de le Recherche an der André Losch Fondatioun. E Projet, un deem scho laang geschafft gëtt, an duerfir waren déi zwee Kandidate-Coachen Joseph Rodesch a Lucie Zeches och immens frou, dass et de Weekend endlech lassgaangen ass.
