Hien huet op Twitter nees en Zesummeschnëtt vu senger Berichterstattung aus de leschte Woche vu Kiew gedeelt. An domadder gouf hien, no sengem Video vun den olympeschen Spiller zu Tokio, nees eng Kéier zum weltwäite Renner.
A sechs Sproochen, Lëtzebuergesch, Englesch, Däitsch, Franséisch, Spuenesch a Portugisesch, bericht hie live a fléissender Sprooch an ouni Accent, iwwert d’Lag am Konflikt tëscht der Ukrain a Russland. Vill Medie gräifen et op a bezeechnen de gebiertege Lëtzebuerger als Sproochewonner. Anerer soe souguer, hien hätt eng Superkraaft.
